ادري يادكتور ما ينفع دوه
الهجر نحل اعظامي حيل
والجسم كلش عوه
كافي مو غيبته نار
وانه كلبي كلبي من ناره انجوه
يا علاج كلي شيفيد العلاج
وأنه كلبي اهواي من همه حوه
انه عطشان اعله شوفه
وبس اوياه احس كلبي ارتوه
انه مجروح اعله طولي
جرح ماشده خيط اشما لوه
وأنه مكسور الجناح
وجنحي ابدا مايطير والله لو مهما قوة
لأن غيبته حتى اشد من الحصار
ذاكه كطعت زاد مو كطعت هوه
وأنه وي دمعي عشرة من لف الكماط
والدمع وياي كل عمري نوه
أدري يادكتور ماينفع دوه
انه محتاج الكلب كلش جديد
والله يمكن هوه اصلا مايفيد
انه محتاج الكلب مثل الاسود
اشما يمر ابعشك ابدا ما يبيد
وكونه مطلي كون ممزوج ابحديد
واذا ما فاد عالتوالي اكلوب عشرة
وتنربط وي الوريد
وادري يادكتور ألأبرة ما تفيد
أدري يادكتور ما ينفع دوه
السبت مارس 07, 2009 11:11 pm
