اريدك
تدري شلون كمره تصير دنياي
من شخصك حبيبي يوكف كبالي
تدريني احبك يانبع ريحان
مثل شجره حبيبي وحاضنه الجالي
واشكيلك همومي العاشرتني سنين
واشكيلك سوالف حالي اومالي
وانسه الراح كله وما اريده يعود
بس اكعد اكبالي وصيرلي اخيالي
وسويلك حديقه بنص كلب مجروح
وحطلك باب خيبر حتى تبقالي
مو هين عليه تصير عني بعيد
ترضالي القساوه وياك ترضالي
عشكتك ياكمر وانتظر يوم العيد
وانتظرك حبيبي ابهلة اهلالي
واكول العيد اجاني بجيتك يفلان
واريدنك ذخر ليامي يلغالي
وصيح الله واكبر عالزمان الفات
جم ظيم وقهر بالفركه ودالي
توفيق الصكبان...رومانيا
الجمعة أكتوبر 24, 2008 1:22 pm
