عنجر:- هلو
الحشــــــــــــاشه:- الو
عنجر:- الو لو اثير؟
الحشــــــــــــاشه:- اثير لو مفقود؟؟؟ اثير حرب احسن....
عنجر:- شون الصحه؟
الحشــــــــــــاشه:- نشله وكحه... انته شونك؟
عنجر:- شونك لو شارب؟
الحشــــــــــــاشه:- شارب ولحيه
عنجر:- نبي الله لحيه لو موسى؟؟..... موسى من الخد.
الحشــــــــــــاشه:- لا مو من الخد من باجر احسن هههههههه
عنجر:- انته شونك حوب؟
الحشــــــــــــاشه:- حوب لو دولفين؟؟
عنجر:-لا شبوط ياروحي...
الحشــــــــــــاشه:- وين اروح؟؟؟
عنجر:-نوحي بباب الامام لو بفاتحه مو يمي تنوحيين...
الحشــــــــــــاشه:- ديله يله...
عنجر:-ديله لو بعقوبه؟؟؟.... بعقوبه سجن لو كفاله؟؟...
الحشــــــــــــاشه:-لك صاير ظريف؟؟
عنجر:-لك لو زوج؟؟.... ظريف لو شته؟؟... احنه هسه بلصيف قلبي...
الحشــــــــــــاشه:-صاير حشاش يول؟...
عنجر:-أي والله امتحانات غير نغش اقصد نحش حته ننجح...
الحشــــــــــــاشه:- أي بلتوفيق..
عنجر:-لا اشكرج متوفق قبل بمركز شرطه الغزاليه...
الحشــــــــــــاشه:- غزاليه لو مأساه؟؟
عنجر:- هاي شنو؟؟... شو سويتيه مسرحيه؟؟
الحشــــــــــــاشه:-ليش معرفت؟؟ مسرحيه من الجيش صار شكد...
عنجر:-ليش هيه شنو؟؟؟
الحشــــــــــــاشه:- ليش المهدي.. ههههههه
عنجر:-مهدي لو مسكن الألام.... مسكن لو منزل؟... منزله سماويه خخخخخخخ...
الحشــــــــــــاشه:- شو صاير تنكنت؟؟ هسه يكلي انكت مي هههههه.
عنجر:-لا لا حياتي صبرج... وداعتج حياتي قبل مماتي التانكي عاطل, الطوافه مدري شبيه.. لهذا انكت خخخخخ...
الحشــــــــــــاشه:-طوافه لو هليكوبتر؟؟؟ههههههه
عنجر:- لا زرافه مثل شكولج..خخخخخخخخخخخ
الحشــــــــــــاشه:-اوووي مامي ليش انته شون شكول؟؟؟
عنجر:-اني شكول انذه سكول اند يو اكبر زغلول واسئلي بهلول بهل الأمور...
الحشــــــــــــاشه:- ربي اني شون ويه الجهال...؟؟؟
عنجر:-شبيج حياتي ويه الاسهال؟؟؟
الحشــــــــــــاشه:- انته شبيك؟
عنجر:-انته لو سلايد روف... الشبيك صرفيه بلمصرف اصرفلج يا حلو...
الحشــــــــــــاشه:- هههههه سخيفه
عنجر:- سخيفه الكراج لو سخيفه نوح؟؟... نوح وتعال...
الحشــــــــــــاشه:- مو صوجك صوجي اني!!
عنجر:- اني لو راوي... راوي لو كاتب؟؟... كاتب؟!! شكد مجررم لعد؟؟...
الحشــــــــــــاشه:- راوي لو ازركـ؟؟
عنجر:- أي ازرك أبر... لج انتي ابرج ابر من حالي خخخخخخخ...
الحشــــــــــــاشه:- اكلك رصيدك خلص
عنجر:- هههههه لتجذبيين احنه على الارضي...
الحشــــــــــــاشه:- يعني مو على سماوي؟
عنجر:-لا كلنه على الله... ههههههههههه
الحشــــــــــــاشه:-هسه شون متكول باي؟؟
عنجر:-شون ترافلته؟؟... والله خوش ممثل يا حبيبتي...
الحشــــــــــــاشه:-أي خوش وطليان
عنجر:- تصفيق حااااته
الحشــــــــــــاشه:-هههههه حاته بيت الله... حاته بربع حاته بربع...
عنجر:-لا شركه حاته للصناعات الجلديه خخخخخخخ
الحشــــــــــــاشه:-هيهيهيه هسه شونك انته زين؟؟؟ هسه يكلي زين الدين زيدان؟؟؟
عنجر:- احسن منج اني انتي شونج؟؟؟
الحشــــــــــــاشه:-اني زينه
عنجر:- هااااا يعني مو_ _ _ _ _ _ _ _ _ الحشاشه؟؟؟ اوكي اهلا وسهلا عيوني زينه شرفتينه...
الحشــــــــــــاشه:-اكلك لتمصخه عاااد تره الجماعه ملوا من القرايه...
عنجر:- عاااد لو ثمود؟؟؟ يله راح اكول بااااي
الحشــــــــــــاشه:- يله اني اكول نص كافي
انتضر ردودكم الحلوة
السبت نوفمبر 29, 2008 4:03 am
ههههههههههه صدوك تحشيش حلوووووووو
