خذني معاك

خذني معك .. من وين ما رحت .. وياك


خذني بقلبك .. دام قلبي .. رهينك


صعبه ترى لو شفت .. وشلون ابنساك


لو طفت هالعالم .. تراني سجينك


عذبتني .. واشقيت روح ٍ تمناك


لو ( الهوى ) ينطق .. وربي يدينك


بعدك حياتي .. كلها ضيق .. وارباك


الواقع .. اللي .. ما تمناه .. عينك



كل المشاعر .. في غيابك .. تحراك


تصرخ عليك من الوله .. حيل .. وينك



مقدر على بـُـعدك .. حشى كيف فرقاك


هذي الحقيقة .. خلها .. في يقينك



ادري تساومني برووعــة .. مزاياك


وتدري اضيع .. إليا بدالي .. جبينك



همك عذاب .. اللي نسى الناس .. لرضاك


وهمي اشوفك .. مهتني .. في سنينك



لو تطلب اسنين العمر .. من فداياك


سلمت لك عمري .. براحت .. يمينك




منك احتملت من الشقى فوق .. ما جاك


ذقت العناء والهم .. كني ..حزينك




تعبت مالي .. بالهوى غير .. دنياك


مديت لك يمناي .. عطني .. يدينك


اعاهدك .. ببقى على الحب .. منساك


عهد ٍ قطعته .. بين قلبي .. وبينك


وشكراً اختكم فراشة السلام