البارحه التفتت لشغله
كل فكري اني حزين
اثاري مو الحزن محتلني
اني صايحله واريده
فقررت اتخلص منه
بس كلولي شنو الطريقه؟
اصوبه بطلقة سعاده؟
لو اضربه بالحديده؟
لو اكله روح عني راحت ايام التعاسه
وراح ابدي حياة جديده
حياة حلوه وماليه الامل
وعنك وعن الهم بعيد
بس شلون اذا معافني؟
يمكن اوقعله عهد ازوره بكل دقيقه!
يبووووووووه يعني هم راح اشوفك كل يوم
ادري بيك تحبني ومتريد تعوفني وحيد
حالي يضحك افتريت بدائره مسدوده
ورجعت النقطة الصفر والحزن كام يصفك بأيده
طبعا فرحان.انتصر
لأن رجعلي وصدق بوعيده
من كلي متكدر بدوني
ومستحيل تعيش حياتك سعيده
فصار الحزن ظلي
ميتيهني وحتى لو صار.عده خريطه!
يعني مستحيل اتخلص منه
حتى لو غطيت روحي بجريده
يله عود لمن اموت
كتبوا على قبري (في سبيل الحزن شهيد)
واذا ممكن،وصيتي:
نشروا هاي القصيده
السبت مارس 07, 2009 11:09 pm