تغيب لكن في عيوني ملامحك

زائر

تغيب لكن فـي عيونـي
ملامحـك
ماغبت عن ناظـر عيونـي دقيقـه

تجفى وانا من طيبتي جيت
اصالحك
ياقو قلبـك كيـف يجفـى عشيقـه

كم مـرةٍ تغلـط عليـه
واسامحـك
هجـرك وتعذيبـك وربـي مطيقـه

هذا أنا بالمختصر جيـت
اصارحـك
وأكشف لك إحساسي بنبض الحقيقه

واغوص في لذة غرامك
واكابحـك
دام الأمـل فاتـح لقلبـي طريقـه

شفت الهوا في بحر عينيك
فاضحك
وأنته تحاول صوب وصلـي تعيقـه

قلبك من اسبابه على الجرف
طارحك
وانـا مـع قلبـك حياتـي غريقـه

قوم انتشلني قبـل عينـي
تبارحـك
يكفيـك حرمـان اليـال العتيـقـه

أنا اعلم إن الشوق فالقلـب
ذابحـك
وان المشاعر فـي فـؤادك رقيقـه

واني بليـا شـك بالحـب
رابحـك
لكـن عنـادك خمرتـه مـا تفيقـه

إلى متى يـدي بوصلـك
تصافحـك
وتصون حب اللي بقلبـي لصيقـه

لو ادري إني يوم يا شوق
جارحـك
مازدت تعذيـب النفـوس الشفيقـه

لكن فكـري دوم يرعـي
مطامحـك
وانتي مع هاجـوس فكـرك طليقـه

كلمات جميلة جدا يسلمووو اسورة

زائر

منورة الموضوع فروشة الوردة

» <*> شمس لا تغيب <*>