السلام عليكم يا اجمل اعضاء
ولدة الان هذه القصيده واول من يقرأها انتم صدقوني
================
غيرت طبعي
----------
يل انت ابجمالك غيرت طبعي ؟
لأن طبعك جميل وخالي من خله
---
يا أول عشك واخر جمال الروح
نبت حبك ابكلبي نبتت السله
---
حركت المشاعر بالحجي المعسول
وكام القلم يكتب بعد شيشله
---
كام القلم يكتب اجمل الكلمات
ظبط بيده الوزار وبعد شيحله
---
اخاف ابساعه اغثك وانته روح الروح
ومن كثر الحجيته خايف اتمله
---
عكب وكتك زماني الفات كله اعيوب
صبح بيدي العنب واجماله هم سلته
---
ما ادري اشيجيني لو غبت يومين
اكوم اكره حياتي والأكل عفته
---
شفت اخر مسج من عندك اتلكاه
طلعت المسج والكاظم وبسته
---
طلعت المسج اقراه وابوس بيه
وتمنيت المسج يكلب يصير انته
---
تمنيتك تجيني واني الك شراي
يا اجمل حلم وابيقضتي رته
-------------------------
اتمنى من الله ان تكون اعجبتكم والي ما عجبته خلي يبريني الذمه ويقبل اعتذاري
تحياتي الكم
الشاعر هادي البديري
السبت أكتوبر 25, 2008 12:12 am
