انا افتخر في صاحب مثل شرواك يوم الرجال تقول من هو خويك *.
من له صديق بها الزمن مثلك بخير ماشال هم وماسأل عن قراده *.
أبسألك وابغى اجابة سريعة وشلون افرط فيك دامك صديقي *.
مالي صديق الا انت يا صادق الراي منك عرفت شلون معنى الصداقة *.
إحشم خويك عن دروب الرزاله ترى الخوي عند الاجاويد له حال *.
ان كان عندك للموده قوانين عطني حقوق المعرفه والصداقه *.
رفيقك الداني ليا شفت حاله احمل عليك من المعاليق ماشال *.
من وين أبلقى صاحب يرفع الراس ان طحت قبلي طاح والا رفعني *.
انا خويك للأبد وين ماكنت سيفك بوقت اللازمه تنتخي به *.
مافيه شخص لانخيته يجاوبني غير انت ياللي للصعيبات حاسيه *.
عطني سبب واحد على شاني اسمعك مادام لا منصف ولا كنت وافي *.
وضعك ترى يفرض علي احترامك ومقابلك يلزم علي استمع لك *.
ياصاحبي لاغاب غيرك تركناه والا انت عارف وش يصير بغيابك *.
لو يصير الموت دونك يالرفيق موت طيب ولاحياة للردى *.
ياصاحبي قلبي بنبضه يشاطرك حزنك فرحك وخوف قلبك وامانك *.
شفتك ولالي غير نظرة عيوني مات الأمل ياصاحبي والأمل فيك *.
انت الصديق اللي ليا ضقت اجي له أجيه في ضيقه واعود بفرحه *.
انت الصديق اللي ليامن ذكرته اقول هذا ياعرب هو صديقي *.
يا صاحبي مغليك عن باق الأصحاب مافيهم أحد ماتمنى غلاتك *.
ليا جهلت بمعرفة صاحبك طح شف يتركك والا يجيك ويشيلك *.
تشوف من عسر المواقف وتهتال وتلقى صديق كم تذكرت قبله *.
العمر لحظات من الوقت تمتاز عرف الرجال ابها يفوق الغنايم *.
أنا رفيقي لو هجرني حشيمي طبع توصى به رجال مشاكيل *.
ياصاحبي لابلي مخلوق بمصيبة لاتشمت الناس في تدبير مولاها *.
اشتر تبيع وراس مالك مايضيع وصداقة الأخيار تشرى ماتباع *.
رفيقك اللي كل ما سرت به سار على الخطا والا القدا مايخليك *.
رفيقك اللي يلطم الخصم لي جار وبالمال والمهجه وبالروح يفديك
__________________
الأربعاء نوفمبر 12, 2008 9:49 am
