حسّي بلوعـات الليالـي والاحـزان
بعديـن حسـّي بالهـوى لا بغيتـي
وش به يهمك لو يقولـون زعـلان
لو فيـك ذره مـن الغـلا ماجفيتـي
ياللي تقوليـن الخطـأ زلـة لسـان
في زحمـة الايـام ليـه اختفيتـي؟
خطاي - وان جا - مدري الذنب وش كان؟
ليـه انتهـى ذاك الغـلا وانتهيتـي؟
وقفت في وجه الزمن قدر الامكـان
وانتي جنح فيـك الخيـال وغفيتـي
غلطان انا في كل الاحـوال غلطـان
اسرجتلك خيـل القصيـد وسريتـي
جيتي وقلت الجرح يوم اقبلت هـان
وانتي على الجرح القديـم ارتكيتـي
قلتيلـي ان الحـب لابـد ينصـان
واليـوم ماكنـك دقايـق هويـتـي
شافوك حسّاد الهوى شوف الاعيـان
يومك على رجـم القصايـد رقيتـي
ما بان شي ولا بقى شـي مـا بـان
بس انتي اللي غافلـه مـا دريتـي
العام لك طاري بقلبـي ولـك شـان
واليوم احـس بغلطتـي لا طريتـي
وان قدّر المولى وعشتـي بحرمـان
ومن حرّ لوعـات التجافـي بكيتـي :
تذكري قلب(ن) له سنيـن شفقـان
شوفي بحقـه ياكثـر مـا خطيتـي
كل القصيد اللي اقوله علـى شـان
تهزك الذكـرى عقـب مـا نسيتـي
الإثنين ديسمبر 22, 2008 8:33 am
