انتظرته ولم يأتي متأخرا ً ... بقلمي

زرعت حبك بكَلبي وخضر أوعود
وشيَب راس شهرك وانته ماجيت
مشتول أعله دربك صارلي سنين
حته سنيني صاحت مني مليت
عطشانه القصــيده تريد لحظات
من شوفك تجي وتكمل البيت

دليلي لا تظن شامت مثلمــــــــــا
بكلام وجرحه َ هل ينزف مثلمـــــــا
كلشي يهون بس أرجع مثلمــــــــا
جنه أحباب نتوالف سويه

محتاجك أحلام أتكحل العين
شيخسرك أذا بحلامي مريت
شحيت بوصالك كَتلك تهون
بس كََلي بطيوفك ليش شحيت؟

جفت وراح كل الشعر وصيت
وياك وراح مني النضر وصيت
رحلت سهله برحيلك ليش وصيت
طيوفك ماتمر بالنوم اليه؟

بنص كَلبي الك ماتعرف شصار
ثوره أمن المشاعر يوم المشيت
مثل أم أفكَدت أولاد بالعيد
صدكَني أعله فكَدك هيج ونيت
من تعطش جنت أرويك بدموع
(أنشدك من عطشتك ليش ماجيت)
تعال وشوف بيه شسوه الفراك َ
من كَد السهر ما ظلت أعيون
أترجه بصورك تحجي وياي
ونحر عيني كَطعته بسيف الأضنون
تعال وخل اشوفك حته لو طيف
وأخذ كَلبي وعيوني وانه ممنون
أفكر ما أفكر بيك مرات
أذا أنته الفكر مافكر شلون
بزنزانة اعيوني أحبست الأدموع
بس ذكرك أجه دكَ باب الأجفون
واظل ابجي بهمس لو هزني ذكراك
اخاف امن الشماته لا يسمعون
ما ريدك تجيني وانته ندمان
اريدن جيّتك مثل اليردون
ابساتين الهجر وديت الأحلام
بلكي تشوف شخصك ويه الأضعون
صح شاعر أنه بس أنته موضوع
النجوم ابلا سمه ما ضنتي تفيد
تعال وخل نرجّع ذيج الأيام
وخل نمشي سويه الأيد بالأيد
تعال أيامي صارت كلهه رمضان
جا يمته تجي وتجيبلي العيد

،،،
تحياتي للجميع
علي طالب

» مجموعة ابوذيات بقلمي
» من هواها \ بيت ابوذيه بقلمي
» اين انتِ ( قصيده بقلمي )
» قصيدة بعنوان ( تمنيتك) بقلمي
» قصيده بعنوان ( عراقي انه ) بقلمي