تمنيتك
--------------
تمنيتك تجيني ابعالم الطيف --- تمنيتك حلم واظحك اسنيني
انه وياك فاركنه الوكت ياحيف --- مثل الماي -- من فارك بساتيني
تدريني احبك حب --- سنبل الفلاح --- تدريني احبك زين تدريني
تمنيتك تمرني -- ولو نسمة صيف --- دمرني العطش يبست رياحيني
نسيت وياي حبك والحجي المعسول --- وجنت اذوب شمعه اتريد ترضيني
جنت اتكول احبك حب جرف للماي --- جا شنهو البدر مني وتجافيني
تمنيتك تجيني جيت العشاك --- بس اكعد اكبالي ولا تحاجيني
خوفني الضلام ابفركتك يفلان --- تعال وردلي نوري الفارك اعيوني
تعال وردلي نوري الفارك اعيوني
===========
الشاعر هادي البديري
الأحد أكتوبر 12, 2008 12:12 am
